Poslovne vijesti - Makedonija

Регистрирани 725 возила со странски таблички

Околу 725 возила со странски регистарски таблички се регистрирани досега.

Тоа е за околу 10 отсто од вкупниот број возила увезени во изминатиот период. Според вицепремиерот и министер за финансии Зоран Ставрески, се повеќе граѓани се заинтересирани да ги искористат поволностите што се нудат со намалените царини и акцизи.

- Вкупно имаме околу 725 возила кои досега се регистрирани што претходно имале странски регистарски таблички - вели Ставрески. Тој очекува во следниот период бројката да се зголеми, бидејќи е планирана информативна кампања со којашто на граѓаните ќе им се предочат предностите на новите законски решенија.

Министерот очекува да се интензивира одѕивот кај граѓаните и тие да ги комплетираат потребните документи за регистрација. Тој истовремено апелираше граѓаните да ја искористат оваа можност и да не го чекаат септември од кога стапуваат во сила законските одредби согласно кои граѓаните не ќе можат повеќе од шест месеци во текот на годината да ги возат овие возила.